बेयो जोंखौ सोगाबनाय बोसोर Poem by Ronjoy Brahma

जोङो जाय सिमांफोरखौ नुदोंमोन
बैफोर सिमांफोरा
गोमानाय सुबुंफोरजोंनो सिथाबफानानै थांफादों
जोङो जाय गोजोन आरो सुखिखौ हास्थायदोंमोन
बैफोर हास्थायनायफोरा जोंखौ दिनै सोगाबदों

जाय लामाजों बिसोरो जोंखौ दैदेनदोंमोन
बे लामा गेजेरावनो जादों बिसोरनि अबथिरा
जोंहा राहा खाना जानानै गाबगु-खुगु

बिसोरो जोंखौ गाबनो नाङा होननानै बुंदोंमोन
गाबनानै थांनांगौ लामायाव
गोसोखौ लोरबां दाखालाम होनदोंमोन
नाथाय सोरबाखि गाबालासेनो थानो हायो

दिनैनि साना मानोबा जौआ जौआ
हरनि खोमसि जालमायानो
सरोगिदिं आरो अखोरां नागाराखै
सोरांजेननायनिफ्राइनो गंस्रिनाय बिफां-लाइफां
आदार जानो गोसो जायै जिउ-जिबि

आदार उखैनाय
दै गांनायनि गोहोआनो दिनै जोंहा गोमाबाय

बेयो जोंखौ सोगाबनाय बोसोर
बिखौ जों बिदाय हरनो सानो
गोदान सुखु आरो मिजिं रनसायनायनि थाखाय