ꠛꠋꠉ ꠝꠣꠞ ꠀꠟ꠆ꠟꠣꠖꠞ ꠍꠤꠟꠐ ꠎꠘꠘꠤ
ꠚꠣꠢꠣꠠꠤ ꠚꠥꠠꠤ, ꠀꠈꠣꠟꠥꠇꠤꠞ ꠎꠟꠚꠞꠤ;
ꠈꠣꠟ ꠛꠤꠟ ꠀꠅꠞ, ꠛꠒꠣꠞ ꠍꠇꠤꠖꠣꠞꠤ।
ꠊꠥꠝ ꠔꠥꠝꠣꠞ ꠇꠥꠞ ꠄꠝꠦꠎꠤ ꠃꠍꠝꠣꠘꠤ,
ꠘꠤꠞꠣꠁ ꠢꠥꠔꠘ ꠡꠣꠎꠣꠟꠣꠟ ꠁꠄꠝꠦꠘꠤ
ꠍꠤꠟꠐꠤ ꠀꠞ ꠈꠣꠡꠤꠀ, ꠀꠍꠦ ꠝꠘꠤꠚꠥꠞꠤ।
ꠝꠤꠑꠣ ꠔꠞ ꠝꠣꠔ, ꠝꠣꠉ, ꠢꠞꠚ ꠘꠣꠉꠞꠤ;
ꠈꠝꠟꠣ, ꠢꠣꠔꠈꠞꠣ, ꠍꠣ'ꠞ ꠘꠥ ꠞꠣꠎꠗꠣꠘꠤ।
ꠓꠦꠃꠓꠦꠃ ꠡꠥꠞꠝꠣ ꠔꠥꠝꠣꠞ ꠅꠢꠋꠇꠣꠞ,
ꠛꠣꠠꠤꠔ ꠉꠥꠀ, ꠚꠣꠢꠣꠠ ꠚꠣꠘꠞ ꠀꠛꠣꠖ।
ꠀꠖꠤ-ꠍꠣꠐꠤꠞ ꠖꠦꠡ ꠝꠞꠤ ꠈꠞꠤ ꠈꠣꠘ꠆ꠖꠘ;
ꠢꠣꠍꠘ-ꠇꠞꠤꠝꠞ ꠡꠥꠞ ꠛꠘ꠆ꠖꠘꠣ ꠔꠣꠞ।
ꠡꠣꠗꠤꠘ-ꠛꠦꠡꠦ ꠛꠣꠋꠟꠣꠖꠦꠡ- ꠀꠡꠤꠞ꠆ꠛꠣꠗ,
ꠍꠣꠟꠣꠝ, ꠎꠣꠘꠣꠁ ꠀꠎꠣꠞ ꠅꠜꠤꠘꠘ꠆ꠖꠘ।