अखानि बोथोर जुरिजेनबाय Poem by Ronjoy Brahma

अखाखौ दाय होनानै मा जानो
गावनि बोथोराव बियो फैगोनानोखा
बेखौ बुजिनायाबो जोबोरैनो गाहाम लोगो
नोंनि आरो आंनि बायगर आखायजों
बुहुम आरो नखोरांआ गोबां मैला जाबाय
बेखौ फोसाबनोनो बियो फैयो

जोंनि गोसो आरो गोरबो मैला जादों
बायगर आखायफोरा जेरावबो गोसारदों
जोंनि बिस गोनां आसुगुरफोरा दाबोरफ्रोमबो बिस सुब्रेदों
बेबादिनो बुहुमा मैला जादों
बेखौ फोसाबनायनि बाथ्राखौथ' जों साननोनो हायाखै

जोंनि फेन आरो गस्ला फिसिनायनि थाखाय
जों बिखौ रागा जोंदों

मैया आरो दिनै गले गले बियो मानो फैदों
जों हमदांनो हायाखै
नाथाय अखानि बोथोरा जुरिजेनबाय

अखाया हागोन बिहा थांखि दं
नखोरां आरो बुहुमनि मुस्रिया सोलायगोन
गांसो रज'गोन
दैमा दैसा बोहैगोन
जोंनि गांनाय आरो उखैनाय रसा नांनाय गोमालांगोन