मिजिंफोरा जेन'बा साननि ओंखारजेननायनि सोरां रोदाजों
खफ' जानानै
खेबसे उरायलांबायमोन
बेफोरनो सोर्गोनि लामा आन्दायनानै
हराव थोबफा थोबफा निहिरबादि गोग्लैफिननायसै
लामा थाबायनाय समाव
आं अनजालिखौ खेबसे बुंदोंमोन
बे लामाजों आं बबेहाय थांगोन आरो बबेहाय ओंखारहैगोन
बेखौ आं हारसिंनि थाखाय सानाखै
आंनाव जेसेबां गांनाय उखैनाय दं बेयो नोंनियावबो दं
लामा गेजेरावनो आंनि अनजालिया सासे गथ' जोनोम होदोंमोन
बेनि थाखायबो आंनि थाबायनाय होननानै बुंनायसै आं
लामा गेजेरावनो आं सानखौ मोलेले जानाय नुनायसै
बे समाव आं अखाफोरनि गोनांथि सानदोंमोन
अखाफोराबो लामा ससेयावनो स्रोब बाथि गोमोरनायबादि गोमोरलांदोंमोन
बै साननिफ्राइनो आनदायनानै दं जोङो
आं आंनि अनजालि लामा गेजेराव
आरो जोंनि फिसा हौवा सासे
जोंनि आंगोनि असे इयुन जोलै
This poem has not been translated into any other language yet.
I would like to translate this poem