आं हेनसाम जानानै उजिनायानो मोजां मोजांमोन Poem by Ronjoy Brahma

आंहाबो मोनसे गेदेरथार दुखु दं
मानोना आं हेनसाम नङा
गोबां हेनसाम नुबाय आं गिदिंबायनानै
आरो बिसोर आंखौ हेनसाम नङैनि थाखाय बायदिसिना बुङो

हाजासे नाजाबाय आं हेनसाम जानो
नाथाय नाजासेयावबो फेलें थांबाय

आंनि मोखां गोदो जेरैमोन
बियो दाबो बेबादिनो
आंनि मेगन गन्थं गोदो जेरैमोन
दाबो बेबादिनो एसेबो सोलायाखै
मोदोम बिगुरनि गाबाबो सोलायाखै

हेनसाम जानो लुबैयो आं
मोजां मोनजानायनि थाखाय
बायदिसिना बुंजानायनिफ्राइ बारगनो थाखाय
नाथाय आं हेनसाम जानो हामारगोनना हामारला
आं सानो, आं हेनसाम जानानै उजियोबा मोजां जागौमोन