गाथोनाव गैलिया दै Poem by Ronjoy Brahma

बेसे जानो बैग्रि गोमोन
जादों आरो गारदों दाउसिनफोर
सिमलि बिफांआव सिमलि बिबार
गामबारि बिफांआव गामबारि बिबार
ओजों फालो हरैबो फालो बाहां बिरहां हाइला हुइला

दाउसिन दाउलानि खोथायावनो
फोजोबनो हायाखै आं दोंसे मेथाइ
आंनि गोसो सिंनि खना खनलानिफ्राइबो
बोहैबोदों होंगो दोंगो गोबां सोदोब

दिनै आं मुलुगखौ गोदान नोजोरै नायनायसै
बिनि मोखांनि फांथेनाय ट्रिफालखौ बोखारनानै
मुलुगाव दा होंगो दोंगोनि दोंसे मेथाइ रिंखांदों
मेथाइजों दुगैनो हांखुर जानाय मानसिफोरा
गावजोंगाव खाफाल सौग्रावलायदों
आंखाल जादों गुबुन मोनसे फाहामसालिनि

मानसिफोरा फागुन होननानै हांखुर जादों
नाथाय गाथोनाव दुगैनो थांनाय मानसिफोरा
उल्था फैफिननो गोनां जादों
दैमा दैसायादि रानलांबाय बिसोरनि मेगन सिगांआवनो