अखाफोर मोनसे आरो आं Poem by Ronjoy Brahma

अखाफोरजों गेलेसै आं दानिया
बिनि देहा मोदोम गासैबो आंनिसै
सान आरो हर
बायबुरुस मोनफ्रोमबो बुब्लि
गोसो बादिनो बिखौ आं बाहायदों

आनज्रायनानै बियो जेसेबांखि
आंनि गोजानाव थायामानो
बिखौ मोननायनि लामाखौ आं मोनदों
दरसे हाजो खोदों आं
फांसे बिफां गायदों आं
बिखौ दाबोरफ्रोमबो मोननायनि थाखाय

आंनि थै आरो गोलोमदैजों
जौगाखांनाय हाजो आरो बिफांआनो
दानिया आंनि बेसेबांबा लोगो

दानिया अखाफोरजोंदि आं गेलेयो
मुलुगनि रावबो नुवाब्लाबो
अखाफोरा आंखौ नुनो मोनबाय

बेबादिनो आसियाव सानजोबनो हायै
खारथिंनानै फैनाय समफोरखौ
बिनि सोरांआव हगारहरनो हास्थायो आं