मैदेर फैयो जोँनि गामियाव Poem by Ronjoy Brahma

गंगार फैयो बांगाल फैयो होनना
19 जौथाइखौ
आं गोसोखाङाखै
.
आर्मि फैयो फुलिष फैयो होननानैबो
एबसु आन्दलनखौ
आं गोसो खाङाखै
.
सावथाल दावराव
बांगाल दावराव
बैफोरखौ हुरा हुरा गोसोखांना
20 आरो 21 जौथाइखौ
जायगा होआखै आं
.
दा हाजोनि अन्थाइ थाफाया
रोजा सानगासे बेसेन दंसै
बेखायनो-
हादाना दा अरनो हमबाय
.
फिसानि फिसा
फिसौनि फिसौ
दा सानथ्रहायै हादान जाबाय
आसि थुयै थुयै साननांनाय
.
दा बेखायनो-
सुन्दाय फोलाव फोलाव
थालिर जानो फैयो
उवाल नारै नारै
लानजाइ हमै हमै
.
हायेननि आसु मायखौ नायनो
खान्थाल फिथाइ जालांनो
मैदेर फैयो जोँनि गामियाव
.
मोनबा जानानै थाङो
मोनजायाबा न' गाफायलाङो
मोसौ बोरमा होसोग्लुङो
लोदो लोदो मोसौ बोरमा।