बियो रावबोआनो नंआ आंनिनो सायखंसो Poem by Ronjoy Brahma

आं सोरखौबा मोजां मोनदों
आंगोनि आंगोसिन होननानै
जायखौ लानानै सानफ्रोमबो आंनि मेगन मोदै आरो रंजानाय
बियो सोरबा रावबोआनो नंआ आंनिनो सायखंसो

आंनि सायखंआ जेन'बा गोलांबाय लायनो.....!

आं बिनि थाखाय सानबाय थायो
बियो गोजोनै थाथों
बियो गोजोनै थाथों होननानै सिनथिहरो आं गिरिखौ
आरो बिनि थाखायनोदि आं थानानै थानो लुबैयो......!
मानोना बियो थांनानै थायो आंनि थाखायसो

बियो आंखौ मोजां मोनो एबा मोजां मोना
आं मिथिनो लुबैयाबो
बियो आंखौ मुगैयो एबा मोजां मोनो
आं जेबो सानाबो

नाथाय आं बिखौ मोजां मोनो एसेबो मुगैनाय गैया
नेवसिनायनि गुस्थि फेरलेबसेबो खमफिया
आं बिनि थाखाय थांनानै थागोन
गोजोन आरो सुखु-दुखुखौ लानानैनो

बियो आंनिनो ओंगो जेराव
बियो आंखौ मोजां मोनाब्लाबो आंनिनोखा।
बियो आंखौ मोजां मोनाबाबो आंनि गोरबोआ खालाय जाया
गोसोआ हांगार नांनाय नंआ

बियो आंखौ मोजां मोनो एबा मोना बेयो जेबो गिदिर बाथ्राबो नंआ
गिदिर बाथ्राया बेसोदि-
आं बिखौ मोजां मोनबाय थागोन,
आं बिखौ मुगैया, बिखौ बुथारा, बिनि थाखाय थैया आं।

बिनि थाखायनो आंनि लामाया जानलांबाय थायो
आरो आं मोजां मोनो गोजान लामा थाबायनो
आंनि अख्रां आरो मुलुगा बिनि थाखायनो
अरलांबाय थायो फैलावनिफ्राइ फैलाव