जोंनि लुबैनाया बेबादिनो Poem by Ronjoy Brahma

गामियाव सान हर सानफ्रोमबो अखा हागासिनो दं
माइ गायनाय फुनायाव बयबो मुखुब
एखमबा सानो एसे सानदुं दुंबा हामगौमोन
फेन गस्ला गांसेबो गोरान गैला
फेन गस्ला गानालासेनोबो थानोथ' हाया
सानदुंआ गोसा दुंबा सानोलाय
गोलोमनाया बाराथार थैहां थैहां मोनलायथारबाय
एसे अखा हाबा हामगौ होननानै

जोंनि लुबैनायफोरा बेबादिनो
जेखौ मोजां नुयो बेखौनो हास्थायो
जेखौ नांगौ बेखौनो हास्थायो
बबेखानि जों जोंनि गोनांथिखौ बुजिनो हादों

नाथाय हास्थायमालाय मा जानो
मोननांगौ दंब्लासो मोनगोन
नख्रांनि हाथर्खिखौ मोननांगौ गैथाराबालाय माबोरै मोननो

जिउनि गोबां हास्थायनाय लुबैनाय गोलावलांबाय
गोबां सिमां फोजावहरबाय आं मेगन मोदैजों

बेखायनो दोंसे खन्थाइ लिरहरो
दैज्लां बोथोर
गायनाय फुनायनि बोथोर बेयो
मावनांगौ समाव मावनानै लाखायाबा उनाव माखौ जानो