खन्थाइ लिरो नोंसोरनि थाखाय Poem by Ronjoy Brahma

सोदोबफोरखौ आद्रि खालामजाया
मानोना बेनि थाखायनो जोनोम आंनि
गासै हास्थायनाय आरो लुबैनाय-
देहानि गांनाय उखैनाय
सोरगिदिं आं नुनो मोनो बेनि थाखायनो

सोदोबफोरजों आं खन्थाइ लिरो
नोंसोरनि गासै आंखाल होखारनो

आं मिथिगौ नों दिनै गाबदों
जानो हागौ दिनै गाबाखैबाबो मैया गाबदोंमोन
सोदोबफोरानो आंनो खिन्थाफैयो
आंगो खालामना लाबाय आं बेखायनो सोदोबफोरखौ
बेखायनो सोदोबफोरजों आं खन्थाइ लिरो
नोंसोर बेखौ आंगो खालामनानै ला
मानोना खन्थाइया दा दोंसे लामा जाबाय
दोंसे जिउ जाबाय
गंसे अख्रां जाबाय
दोंसे लैथोमा आरो हाग्राबारि जाबाय
बेयो नोंसोरनि गांनाय उखैनाय जाबाय