खन्थाइया आंनि नङा बिसोरनि थाखाय Poem by Ronjoy Brahma

सानआ दोबैनायनि उनावबो खेबसे सिखारना फैफिनबावबाय
बेसेदि रंजाथाव
नाथाय फैफिननो हायाखै सानजों उन उन थांफानाय मानसिफोरा
बेसिदि दुखुनांथाव बेखायनो बिसोर गाबदों मेगनाव दै बोहैहोनानै

फैफिननो हाया हाखराव उनदुलांनाय मानसिफोरा
मोस्रोमफोरा सावफ्लेजोबो बिसोरनि देहाखौ
आरो हाया गोबाख्रबनानै आंगो खालामना लायो बिसोरखौ

अरआव गोग्लैलांनाय मानसिफोराबो
खामग्लिजायो अरजों
बाब्राब बाब्राब सिखारना फैफिननो नाजाब्लाबो बारग'वा

बेखायनो दोंसे खन्थाइ लिरदों आं दिनै
खन्थाइया आंनि नङा बिसोरनि थाखाय
अनसुला बे खन्थाइया
बिबाराव सिखिरि बिदै सोबनायबादि सोबफै नोंसोर गोसोबादि
गोजोननाय होगोन नोंसोरनो गोसो गोरबो खना खनला दाबोरफ्रोमबो
माखौथ' गिनो गिनाङा फै नोंसोर