मोनसे उदांस्रि Poem by Ronjoy Brahma

थै आरो गोरबोफोरखौ
अननाय होनाय आर लानाय
मोजांमोननायनि जुनै
बानथा होलाय-लालाय खालामनो हागौब्लाबो
नों आरो आं, जों जिउखौ सोलाव होनो हाया
मानोना जिउआनो नों आरो आंनि
आखाय मोजोमाव गैया

बेखायनो आं नोंनि थाखाय
बानथा होनो दुनियाखौ
जिउजों मोनसे एकेबाना सुजुगौमोन

नोंखौ दा जोमैफोरा
फुजायाव होजायै बिबार जानानै
दामोलै दामोल फबसिनबाय
नोङो दानिया थैनाय अखाफोर
एबा सान गैयै बुब्लियाव खुवा खुनाय मोनसे मिथिंगा गावगारि
थामहिनबा आथिं सिङाव लाखोमाजानाय मोनसे गोमो

नोंथ' आरो थैनो गोसो गैथारामोन
नाथाय नों थैनायबादि थानो गोनां जाबाय
दाउसिनफोरनि बायनाय गांखंआव