आइनावनो सों नोङो दिनैबो Poem by Ronjoy Brahma

लामा गेजेराव गोसो बायग्लिनाय नेहाद फायखि
नोंनि गोब्रामनाया मा मैथा सावजानो?
गावदि गोब्रामदोंसो बेखौनो मिथियै
अरनो रोङै सैमानि
सिमांआव सोंफ्रांनाय

आइआसो मिथिगौ
बियो जोंखौ माबादियै मानो जोनोम होआमोन
आइनावनो सों नोङो दिनैबो-
आइआ फिनगोन गासैबो सोंलुनि नेनाय

राजा लामाजों हरखि-सान गाड़ि मथर खारनायबादि
आइनि बिखायाव बेसेबांदि बोथोरा हुख्रेमलांदों
जोबनो गैयै दाहा आरो हांमा!

आंनि लोगो फायखि
फंबायफोर नों थैनो नाङा जेननाय आरो बिसखौ गोबानानै
दंफां गोरानबादि गासै बिलाइ-फिथाइ
रोदा फोथैनानै

ओरै नों थैनायखौ आजाव गोजोनै
गावनि बिखाखौ फुवारनानै
समायना फामे बिखाजों सोरजिनानै उनदुलां
गंसे दानसोरां हरनि अखोरां बादि

नों मिथिगौ दिनै बिसोर थैलांबाय गाबनानै
दाबिनानै गांहाब-उखैहाब
आरो जुजिनानै जाहार जाहार
राजा लामा गामिनिफ्राइ नोगोर
जोंहा रोजाबनांगौ दं मोनसे समायना बोथोरनि थाखाय।