दानिया थैनो होदो आंखौ Poem by Ronjoy Brahma

फरायनो हाया फरायबाबो नोंनि बिखा
बुजिनो हाया बुजिबाबो
बेसेदि मोफ्लामनाय
बेसेदि मोदाननाय

फामे बिबार बारहोयो नों आंनि मेगनाव
सांग्रेमा बिरहोयो नों आंनि मेगनाव
एमबु बारहोयो नों आंनि मेगनाव
बेल गोमोन सिरि होयो नों आंनि मेगनाव

बेसेदि सिमां मिजिं
बेसेदि थाखोलायनाय
सिला जानानै उरायलांबाय आं नोंनि सेराव
जोलुर जानानै बाज्लखांबाय आं नोंनि सेराव

दोमैलु दोमैलु
खोमसि खोमसि
हानथिबोबाय आंनि गोसोआ दिनैसिम
नोंनिनो आथिंसिंजों दैसा जानानै

बुंनांगौ आरो मा आद्रा थाबावखो आंहा
दानिया थैनो होदो आंखौ
थैलांनोसै आं नोंखौ मोजां मोननानैनो