बारमोदाइ Poem by Bhubesh Brahma

उदाङै बिरथिंनाय आं मासे खाना दाव
नागिरबायो आं गोमानाय देराखौ,
समनि उनाव सम बिरथिं-बिरथिं
उदां अखोरांआव।
दुंदुं-हावहाव बाला बारियाव दानदिसे जिरायना
मिजिं थिदों सोरनिबा अननाय मोननो,
लाथिख'मायाव मेंबाय हारसिङै
आन्दायना असे लोगोखौ।
बबेनिफ्राइबा फैनानै बुखारबाय हरखाबै
सिमब्रे-सिमब्रा बारमोदाइआ,
बाज्ल'-बाज्ल' साथिख'-साथिख' नाजादों आं
सेब-सेब हमख्रबनाय नोंनि आखायनिफ्राइ।
खर'आव खोख्लैबाय अन्थाइ थाफा
थिखोनो हाला आंनि खर',
गेरेबबाय नंदां सहायनो हायैसे
थिंखाव थिंखाव सानाय खर' माथा।
सिउ-सिउ बुखारलांबाय नुफेरै जानथाइआव
रिउ-रिउ बेसेबा गोजानाव,
सिख्रेब-सिख्रेब आंनि देहा
सोर नों बार मोदाइ।