हाइनारि सिख्ला.... Poem by Bhubesh Brahma

सोरनिबा हाइनारि महराव
सोरनिबा गुसुथिनि मिनिनायाव
सोरनिबा बालें महराव
जाबायसो आदा फागोला
नै हाइनारि सिखोला।

रमान्टिक बिबारनि मोदोमफ्रु
मुहि गोनां हाइना सारफ्रावनायाव
सोरबा रजेनि महराव
सानस'यै लाथिख' मेलेम
बोरलाबायसो हाइनारि सिख्लानिसिम।

गैयादि बियो दासिम
बिरलांबायसो नुस'यै गोजानाव
दान्दिसेल' बिबारनि हाइना
नङादि नों गोजानाव
नुजाफैल' हाइनारि सिख्ला।

आदुवा सेंग्राफोरासो जायोमा
नोंनि थाखाय फागोला
जाम्बिसो आलाबावदि
जानांलादे नों दानिया
फागोलि हाइनारि सिख्ला।