लाइमोन Poem by Bhubesh Brahma

हायनारि नों सिखोला
गाननायजों नों समायना
नुनायाव नों गलापिखा।
दावलायबायदि नोंनि थाबायनाय,
फारौ मेगनबादि मेगन
थाराइ बिलाइ खानाय
नारें कमला खावलाय
बोना लांबाय नों
आंनि गोसोखौ लाइमोन।
लाजिहा-माहां नोंनि
सौथुहां-सौथुहां थाबायनाया
मेगन खनाजों नायहरनाया
मा इसारा होदों
आं बुजिस' हाया।
बिरलांबाय आंनि गोसोआ
नोंनि सेराव दालाय
माथो खालामबावनो आं,
फाग्लासो जाबाय नामा
नोंनि मुहिनि होलांनायाव
रायज्लायोब्ला नों आंजों
रायज्लायगौमोन नोंजों
फंनैसो खोथा मोजांमोननायनि
गोदै-गोखा गोरबोनि बाथ्रा,
नोंसो मा सानो
आंथ' नोंखौ गोसोथोखाबाय।