'बिरगोस्रिआ लाजियो' Poem by Bhubesh Brahma

रिथि-रिथा जोंनाय सहरनि मोब्लिबफोरजों
फ्लाम-फ्लिम मोफ्लामदों बर' सिख्लाफोर।
भिशाल, चिटि लाईफ, बाजार इण्डिया चपिं मल
मायापुरी, जली मेक्स चिनेमा हल,
फान्थाब-फुन्थाब ससे हास'नाय
बायदों सि बिखा खावसे नुजानाय।
जासै नोंसोर जेब्लाबो डि.जे-डि.जे, बेंगाबयस
लाजिसै बिरगोस्रिआ नुनानै नुनानै किज़म्बा।
बांग्रिंजों मावना गुरलुब-गुरलुब नोंसोरनि हिमालयआ
बोहैहोसै आजोला सेंग्राफोरनि फाग्ला बाना,
ओंखारो अरगेंनि लाभा लाथा-लाथा।
हाबाब! हाबाब! बिरगोस्रिआसो लाजिनांबाय
नुनानै नोंसोरनि लुची पिन्दारनि स्थाइल।
हिन्दीवाला बांलादेशी असमिया बंछि नङा, नोंलाय असे बर'खा
गावनि सुबुं, राव-हारिमुखौलाय नोंलाय दाबावखा,
सुरिदार मेख्ला सारि जिन्स पेन्ट नङा, गान नोंलाय बर' दख'ना
बावनो नांङा नोंलाय जोमबायनो आर'नाइ फास्रा।
मोसादो नोंलाय बागुरुम्बा
लाखिदो नोंलाय बर'नि सिनायथि,
सिबिदो नोंबो मान होदो
जोंनि आंगो बर' बिमा बिरगोस्रिखौ।