हांमानि जिख्लाबसे लाइजाम Poem by Bhubesh Brahma

हायाखिसै लाखिनो नोंनि रादायखौ
समानो होआसै आंनो खाबु,
फोथायाखैमोन आं नोंनि रादायखौ
सुख'हायै होबाय नोंनो दुखु।

नेवसिनायनि थांखिजों आंनि आगानआ
थेरबेथेर खालामबाय नोंनि बिखाखौ,
अन्थाइ बिखा आंनि गोसोआ
नाजायाखैमोन बुजिनो नोंनि अननाइखौ।

हांमानि दिखारजों रिंखांनाय नोंनि दुखुनि देंखोआ
दिनै रिंखांफैबाय रोमै-रोमै आंनि खोमायाव,
दुखुनि मोदैजों सिग्लाबनाय नोंनि हांमानि लाइजामआ
दिनै सौफैबाय रिउ-रिव आंनि आखायाव।

गाबै गाबै बुंहरनाय नोंनि रावफोरा
जावलिया खालामबाय आंनि गोसोखौ,
खाराव माराव नोंनि हांख्रायनाया
गोनो गोथो खालामबाय आंनि मिजिंखौ।

जिवनि हान्थिनाय गोलाव लामायाव
गोदानै मिंजिं लाना आगान सुरफिनदो,
आंनि संसारनि जेथो गोनां जिवाव
सुखुयै हान्थिनो आंनो खाबु होदो। ©®