उरां-फारां Poem by Bhubesh Brahma

थाथेरनो हाया गोसोआ
दिदोमथि गैया बिखाया
गोसोआ बिरलाङो नोंनिसिमल'
बिखाया मावखाङो गिनायनिल'।
हास्थायो अरायबो नोंजों थानो
नाथाय गिखाङो मानो
लाजिनानै नोंनि सिगाङाव
थांनो हाया नोंनि खाथियाव।
गोजानाव नुहरो नोंखौ रोमै-रोमै
लिंहरो नों आंखौ आंजों फैदो फै
जानांबाय आं थांहां-फैहां
खोनायो नोंनि गोदै गारां।
हारसिङैनो रायज्लायो आं
हारसिङैनो मिनिफ्लाङो आं
खोनासंना नोंनि गोदै राव
गोसोखांना नोंनि फाव।
जायो मानो उसाव-बादाव
नागिरो नोंखौ खाराव-माराव
सानो लानो नोंनिल' खौरां
जानाङो आङो उरां-फारां।