फागुननि हांमा Poem by Bhubesh Brahma

नोंनि आंनि लानाय रादाया
नोंजों आंजोंनि गोथार जुलिया
थांनाय फागुन आवनोमोन
नोंनि आंनि बिबारनि एम आ।

खोलो खोलो बारनाय बाराव
बिरग्लांनाय नोंनि खानाय बिलाइ
बेसे समायगौमोन नोंखौ
नोंनि खाफालनि गोजा सिन्दुरजों।

थिउ-थिउ गाबनाय दाव हिथिथिउ बादि
अखोरां बिरबाय बिरबाय
नागिरदों नोंखौ हालाय हाफाय
लुबैदों नोंजों अनलायना संसार जानो।

फागुननि सिव सिव बारनाय बारजों
उरायनाय हाद्रि हालाफोरा
खुरियासिन खालामदों जोंनि ज'राखौ
थबस्र' बस'दों जोंनि अननायनि दौलेंखौ।

दुफावलु गोसोम जोमैआ साग्लोबफैदों
जोंनि गोथार अनलायनायखौ होखोमोरनो
गोथार जुलिनि अरखौ होखोमोरनो
थालांबाय बे फागुनाव बेसेबा दाहा बेसेबा हांमा।