देग्लाय आलिया गुगासिनबाय
माने बिसोर सौखासिनबाय
बोथोर गोदानाव मायगानोय
देग्लाय बांसिन खस्ट नांगोन
.
मानोना बिसोर सौखानाय आलिखौ
जोँ गोदानै खोफिननांगोन
लैहोर लैहोर रायजोखौ बुथुमनानै
.
बिसोर गं गोनां
गं गोनां होननानैनो आरोबाव
बिसोरो बोलोगोरासिनबाव
बेबादिनो बांसिन एरखुसिनबाय
.
गं गैयैफ्राबो दिनै फारखा नांदोँ
बैसोरनि गंखौ हमथानो
आरो गोदानायाव दोन्दाल होनो
.
गं गैयैफ्राबो खर' फिस्रिदोँ
गं गोनांफोरनि खौगायाव मुखारि होनो
गन्थंआव नाथार होनो
.
गं गोनांफोरा फेख्रायदोँ
रावबो हमथानो हाया बिसोरखौ
बै फार बै मारुं इनजुर
गोसोबादि सौखादोँ बिसोर
.
बिसोर गं गोनां
थेवबो लामा नायना दं बयबो
सानसे बिसोर गब्रथारगोन
फेख्रायै फेख्रायै दुगानायजोँ
.
हान्थु लोरिना
आथिँ सल्थमनानै
आखाय बायनायजोँ
गोथौ हुगारनिफ्राय बिसोरो
.
सानसे हब्रा हरनांगोन-
गाबख्राव गाबख्राव
मेमब्रायना मेंग्लिनानै।
This poem has not been translated into any other language yet.
I would like to translate this poem