हिमालय एबा माण्डएभारेष्टमोन
आं बावलांबाय
गोसोआव बेयो लिरजायाखै
-
बेनि थिखिनियाव
बिफां फांसे गायनाय जादों
दुलाराइ बुहुमावनो साया नांगोनबादि
-
फुंनि सिरियाव
बेयाव दाउलुर मासे बाफैयो
बयबो खोनानाय बियो मेथाइ रोजाबो
-
सिंनिफ्राय निजोरा
दुलाराइ बुहुमाव बोहैलांनाय
इनाय अगेननि आफाखि सुस्रांनो
-
दाहार गोनां निजोरा बियो
बेयाव सानस्रिनाय जादों
बादिलायनायनि
मोनसे गोदै मुगा बारलांनो
-
हाजार मैलाखौ सुस्राङो
इनाय अनागारि
हिंसानि बोलि आफाखि
बे निजोरायानो
-
बेखायनो राजा महाराजा
मोलबि फादुरि
सिखाव दाखाद
गावनि गोरोन्थिखौ
बे गोगो दैमायाव नुयो
-
गोसो जायो अब्ला
सा गोजोमासिम गाखोनो
बिफांनि थिखिनियाव
आलो गोजोन जिरायहैनो।
This poem has not been translated into any other language yet.
I would like to translate this poem