गुदा-गादा जाहारनिफ्राय
एब्रे एब्रे सिँखावबोनायावनो
आयनि खर'आव खासि बिबार बाबोबाय
-
दिनै आयआ बेखौ फालि गांसेजोँ
फिथर मोनसे खाथुमना लादोँ
-
बिफां-लाइफां गय फाथै
औवा सुबाखौ आज्लंनानै
दा दा दा नायहरदोँ साना
आयनि मुखुब हाबायाव
-
हांसो दाउ दाउफ्रि
सिथोँ-सिथा
आयनि मुखुब हाबायाव
आयनि सेर सेर बिसोर
गरफा गरफा आदार खनसायदोँ
-
आयआ माय गुग्ला जावगारदोँ
आफानि बाव होखोन्दा
आयनि खाथबनाय फालिखौ एब्रेना
मिनिसुलु बाग्लायबोयो खासि बिबार
-
आयआ गोसो जायो जानांगौ
बेखौ नुनानै
बेसेबांबा लैथो सानस्रि सानस्रि
-
खोमसिखौ बोखाव बोखाव
थांफिन्नो बै गारबोनाय फुंआव
मिजिँ हांमानि रोदोमजेन्नाय बै
-
जेराव दंमोन
आमाय-जुमाय
आसौ बिसौ बायदि बायदि...।
This poem has not been translated into any other language yet.
I would like to translate this poem