खोमाजोँ खोनादोँ आं
मेगनजोँ नङा ।
आखायजोँ दैदोँ आं
खर'जोँ नङा ।
मेगनजोँ नायदोँ आं
हान्थुंजोँ नङा ।
गन्थंजोँ मोनामसुदोँ आं
सालायजोँ नङा ।
आं सानो गोसो गोरबोजोँ-
थायसे थायनै आखायजोँ नङा ।
नोँ बुगोन आंखौ
सागोन मोदोमाव
आं मावदोँ गोरोन्थि
खर'नि मेलेमजोँ
दाय जादोँ देहाया
बानगोन मेलेमनि साजाखौ
बिखुंआव ।
हाया नोँ मेलेमखौ फेजेन्नो
गथा, खेँख्रा, गिलिर लावथिजोँ
आरो AK47 KAMAN
NUCLEAR बायदिजोँ ।
गोरोन्थि आरो थार
अंगुबै हाबाखौ मावो
थाखोमानाय मेलेमासो ।
This poem has not been translated into any other language yet.
I would like to translate this poem