देँखो गैया आंनि
गासिबो मेथाइया
खोनासंथाव जायाखै
आंनि गारांआ
गोसोआदि सानो
गासैबो जादोँ मेथाइ
गोरबोआदि बुंदोँ
बिखा फोरदानना
हगारदोँ देँखो
नोँनो होदोँ आं गारमा
सिग्लाबना मेथाइ ।
उसु खुथु नुदोँ आं नोँखौ
हायाखै गोजोन नोँ आंनि मेथाइयाव
रैसुमै खबाम गैया
जाय आंनि गारां
देँखो गैया आंनि गासैबो मेथाइया ।
गैजाथारै नङा आं मेथाइ जिउनि
बबा नङा आं थानो,
हब्राया लासे थानो
बेनिखायनो आं राजा
खाब्रां देँखोनि
आं हगारो उसु खुथु
देँखो खाब्राङै ।
दंनायमानि मेथाइ गोरबोनि खोनासं-
लाबोयो निहोर, लाबोयो सान्दुं
हब्रायो आं खोमा सेराव नोँनि
गंग्लायो नोँनि आथिँआव
ओँथि गैयै जिउनि मेथाइ
फांथेनाय गैयै गोरबो,
हगारो बाना देँखोनि निजोरा आं
रुगुं गैया
फैसालि मोनस'आ
बे जिउआ- ।
This poem has not been translated into any other language yet.
I would like to translate this poem