दिनैनि सायना सालियाव हारसिङै
थाबायदोँ सोरनिबा सायखंआव,
नुबाय सोरबा अनजालिनि गोदै
देँखो होना बोनाय मेथाइ
खोमायाव
जिनिद नांना सौग्राव
फैदोँ गोरबोआव
मोजां मोननाय समायना
सिख्लानि महराव ।
बिरफा लांदोँ गोरबोआ आंनि
अनजालि बै देँखो
बोनाय सेराव
देलोँलोँ हायना गोनां अनजालि,
मोदोमफ्रु सोलेरनि देलायनाय
आय' बोदोर जादोँ हास्थायना
मोजां मोननाय गोरबोनि
बाथ्रा
फोरमायदोँ गोरबोजोँ सिरियै ।
मिथिया आंनो मा सानदोँ?
हास्थायदोँ आंनि अनगायै
नुफा-माफा गुवार
सायना सालियाव
बुंफबनाय मोजां मोननाय
बिखानि
खाब्रां राव आंनि
फोरमायनो दा
माबोरै देखो होना
मेथाइजोँ ।
This poem has not been translated into any other language yet.
I would like to translate this poem