सफैगोन जेबोला Poem by Ronjoy Brahma

नै अनजालि...
नोँनि अनगा बै सिमांफोरा
आंनि जिउजोँ सुजुब्लाबो सुजुख' हायै
रनसायब्लाबो रनसायख' हायै ।
रावबो मिथियै...
रावबो गुमुर मोनैबायदियै
बयनिबो आन्दोआव थानानै
नोँ फैजासिम जेब्लाबो
हास्थायो सिरियै नोँखौनो ।
जिउनि बै बुब्लियाव
सफैगोन जेबोला नोँ
आंनि दरखं मोखांआव
आंखौ अरायनि थाखाय
लोगो हमनो ।
गोसोआव जेब्लाबो
हास्थायनाय लानानै
अरायबो अनसायनाय लानानै
नेनानै दं आं नोँखौ,
सफैगोन जेबोला नोँ
आंनि लांगोनायाव ।

2012, मार्ष