दिनैनि बे मुगायाव
हिँसाखुरिया सुबुंनि
फाव गेलेनायाव
हावरिया थाखोनि सुबुङा नांदोँ जेआव ।
आन्दायदोँ सोरांनि समावबो;
सिबाय हालाय- हाफाय
रावजोँबो नायफिन जाया ।
सुबुंङा सुबुंखौ गाख्रेबदोँ
बाहायदोँ हानायमानि गोहो बोलोखौ ।
सासेया सासेखौ नायनो हाया,
गुबुना सोरखौबा नायनो हाया
एना एनियाव गोमादोँ
अब'थिरा सुबुंनि जिउ
एखनब्ला बोहैदोँ गोजा
बुरलुंबुथुर दैमा,
नोरजिया सुबुंआसो जादोँ
मावरिया-खावरिया;
लोमलादोँ लामा सामा
एखमब्ला गोमसारदोँ
मुलुक संसार,
मावग्लुंदोँ न'-बां
लोगो लोगो जावबायदोँ
गोसोम जोमै
नखोरां सायाव
गोग्लैदोँ अखा दामब्रा
गोमालांदोँ सोरनिबा
सिमां मिजिँङा
खामग्लिदोँ गोसो-गोरबो
बिखा
दोहो दोहो ।
नबेम्बर,2012
This poem has not been translated into any other language yet.
I would like to translate this poem