बोथोरसेनि जोँ आबाद Poem by Ronjoy Brahma

माया संसारनि गोमो -गोजा
हायना गोनां सोरजि सुबुंनि
मिथिया खाफालाव
सोर सोरनि मा?
राजा-फोरजा सोर सोरनि..
गोमोथाव!
बुजिया मिथिस' हाया
सोमोनांथाव!
रं-बिरं सुबुंनि सायना सालि ।
मोहेरनाय जुगुमनाय सुबुंनि रागा,
सोरजिनि रागा अखा खोरोमनाय
आयौ गिथाव अरनाव मोसा ।
हाया थाखोमाना थानो
सोरजिनि मोहेरनाय
गवा गथारनाय नङा
बोला बोला नागिरनगोन
सानसेदि आय'
आखाय गुवार गिथाव
बारहुंखा ।
बोथोरसेनि जोँ आबाद आय'
हन्थानि सोरजि अबंनि
नै रज'दोँ दैज्लांनि
लोमसाव बानाजोँ हायेनाव
नै रांख्रेबना, नै लरहायना
सिरिलांदोँ बोथोरनि
गोरान खरानजोँ ।

12/February/2014