फुष दाननि खुआ Poem by Ronjoy Brahma

पुष दाननि खुवा नोँ
मोस्लेत खालामबाय आंनि नोजोरखौ
बे लामानि हान्थिनाय जिउआव ।
नुस' हराखिसै आं गोजान लामा;
सिनाय हायाखिसै गोजानाव सोर दं..?
बोथोरनि खुग्लुंनाय उखुन्दै
गोजां बोथोरनि लोगोरि
खालामबाय नोँ आंखौ
अरायबो बोदोर ।
फैदोँमोन आंनि अनजालिया
फुंबिलिनि खुवानि समाव
लोगो हमनो आंखौ
बिबारनि लांगोनायाव ।
नुस'वाखिसै आं
सिनाय हायाखिसै
सोर जाखो?
खुवानि खोबथोनायाव आं
गोजान लांगोनायाव थानायलाय
अनजालिखौ सिनाय हायाखिसै
बोथोरनि बाबेन्नाय
समनि जौगानाया
लोगो लोगो थांफिन नांबाय
आंनि बेसेन समा
ओरैनो थुंगेबाय ।

नबेम्बर,2012