Ronjoy Brahma

Gold Star - 34,417 Points (2 November 1995- / Amteka (Chirang) /Assam, India)

समा सिरियै थाया - Poem by Ronjoy Brahma

जिउनि बिदिन्थाया सोलायबाय थायो
मैया आरो दिनै- फैगोन,
समनि गोसोआबो सोलायलाङो-
नाथाय बिनि देँखो एबा गाबज्रिनाया सोलाया।
थाद'नायनि बिथं गैया समनि
जिउनि ओँथिया आरो माबादि?
गेबेङै बिदिन्था एबा समासो मिथिगौ,
स्पेचियाच मुलुगा बेसेबां गुवार?
मिथिगौ- आंनि अख्रां गोबानाय खन्थाया।
आंनि लोगोफोरा जानो हागौ आंगायबाय
जोहोलाव नीलेस्वर ब्रह्मनि मेथाइ!
ग्रामफ'न रेकर्डनि मेथाया आरो बेसे गोदै?
गले गले गोमालाङो खोमा सेराव।
सोलायबाय थायो महर गैयै जिउआनो
मैया दिनै आरो गाबोननि थाखाय,
अख्रांखौ नांगौ उदांङै बिरदावनो
जोमै गैयै अख्रां- फुरसब गोथार।
मिथिगौ जोमैखौ होखारनो गुस्थियावनो-
दिन्दां जानानै थायो हामख्रं जोहोलावनि मेथाइ,
बारदै सिख्लायाबो फैयो आरो थाङो।
बुहुमखौ मानसिया जेरैखिया गिदिँआ
एबा अबंलावरिया थैब्लाबो जोँनिनो गोरबोआव,
सान नोँल' थाबायथा बेबादिनो सोरां होनानै!

Topic(s) of this poem: poem


Comments about समा सिरियै थाया by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Monday, July 21, 2014

Poem Edited: Tuesday, April 11, 2017


[Report Error]