जोँ साजायदोँ जयै खौसेथि
जोँ सुजुदोँ हारि नाङै उदांस्रि
राव हारिमु गासै जौगानाय मिजिँजोँ
सान्दोँ हारिखौ सिनायथि होनो
मुरुगाव ।
सोमावसारबोनाय गासै उदांस्रि जोँनि
थाबावबाय आरो मोनसेबाव दिनै गिदिर
आलादा रायजो गंसेनि उदांस्रि ।
जोँनि गोफार थांखिया थाद'आ
जोँनि थार हास्थायनाय-लुबैनाया
फुख्रि बिलोनि दैआव गोजावा,
फै जोँ बयबो बर'फोर
फै जोँ सिँखावलांनि
बुरलुंबुथुर दैमाखौ
फै जोँ दाफुंलांनि खौसेयै
गेरेमसा हारि बर' माहारि
खौसेथि सोलोँथाइ जौगानाय मोन्थोरजोँ ।
गोथार गुफुर बारफुनाय बिबारजोँ
साजायनाय बिबार मालाजोँ गोदोनायाव
फै जोँ दावहारु उदांस्रि लुबैसुला
जोहोलाव-जोहोलावजोफोरनो गानहोनि ।
मेङाखै दिनैबो उदांस्रिनि बिरहोनाय
गुफुर फारौ दाउआ
बुफ्लेजायाखै उदांस्रिनि बिरहोनाय
फिरफिलाया सिमब्रेनाय बारजोँ ।
गोमखांनाय सोदोब
जोँनि हज्रिख्रावनाय
रिँखांदोँ जेरैथिँबो खना मोनब्रै
खोमा माथुना थानाय उटखारि
हानाय नङा जेनगोन सानसे
खर' गंग्लायनायाव ।
थाबायै दावबायै सहैब्ला थावनि
जोँलाइ मोनगोन गोजोन सानसे,
मोदै हुगारनांनाय जोँनि गोबाव सम
दाफुंगोन मोदैजोँ हिरा फिथर
बिलिर बिलिर जयै खोसेयाव
सना जालांगोन जोँनि सिनायथि
बेसेन थागोन जोँनि गाबनाय
गासैबो सानसे थानो हागोन
गोर्बो बिखायाव रंजानाय मिनिबाला
खोमसिया सानसे सोरां जागोन ।
This poem has not been translated into any other language yet.
I would like to translate this poem