आंनि सुदेम देरानि सेराव
फांसे जबानि दालाय दालाय
गोदै गोदैथार नोँनि गाराङा
मेवरो मेवरो बोलाङो नोँ
खोरखि खेवना नायहरो आं
समायना नोँ महराबो समायनाथार
गोसोआ आंनि नोँजोँ मोसागौ ।
सानजानि जारौ साना होदोँ सोरां
बेनि मददजोँ नोङो रंजायै
दालाय दालाय आदार नायगिरबायदोँ ।
खाथियाव फालोसे दाउसिनफोरा
सुफारिनि गोगोन फिथाय खेबख्लादोँ
मिनि खुसियै खुगाजोँ खुगा
आदार दौज्लायदोँ
बिरै बिरै नोँ खाथियाव बिरलांदोँ
मेगना बाथाराखै आंनिया
बेरलाव बेरलाव नोँखौ
आं नायहरदोँ ।
फैबाव फैबावदे उनावबो आरो
जबानि दालायाव मोसाग्लांफै
गोसो जाथारो आं नोँजोँ
गोरबोआ मेवथारो आंहा
लोगोसे नोँजोँ बाज्ल'
बाज्ल'नो ।
This poem has not been translated into any other language yet.
I would like to translate this poem