बबेबा हन्थानि Poem by Ronjoy Brahma

बबेबा हन्थानि

लोगो आन्दायनाय ओइ नोँ अरननि
मानि थाखाय नोँहा एसेबां हांमा
हाया नामा नोँखौ एसे मददनो
नोँनि खाराव-माराव गाबनाय हन्थानि
सौग्रावफैदोँ आंनि गोरबोआव
पुषनि गुसु निहोर जाना ।
बुजिस' मोना नोँनि दाहा दिखार
गाबज्रि हरदोँ नोँ आरोबाव सोरखौ
गारमा सिग्लाबना हब्रा हब्रा
आंनि न'थिजोँ ।
गोसोआ आंनिया गोमोबाय
दाहा- दिखाराव गाबनाय नोँनि
पुषनि निहोरजोँ सिग्लाबनाय
आरो सिग्लाबनाय
बबाव थांखो बबाव खारलांखो
सोर मिथियो नोँ सोज्रिख्रावनाय ।
लोगोआ नोँहा दिनै फैयाखै
गोमाबाय बबेबा हन्थायाव
आय' नोँखौ हारसिँ गालांना
आलाय - सिलाय
आलाय- आथानि
हब्रा हब्रा आरोबाव गोमसारहो
रिँखांथोँ हब्रानाय नोँनि
थेरनाय गारां ।

Thursday, August 14, 2014
Topic(s) of this poem: Poem
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success