दिनै आं 20 बोसोरनि
लांगोनायाव
आं दाबो मिथिया
आंनो सोर?
गोसोआव दं आंहा
मोदोम बुज्राव बुज्राव
आयनाव सोँनायखौ
आयै मानसिया माखौ बुंङो?
आयआ आंनो फिनदोँमोन-
जायफ्रा मावै दाङै जायो
जायफ्रा साननो बुजिनो गोरोँ
जायफ्रा लाजियो आरो रोँगौ
जायफ्रा हि जोम गानो बेनो ।
नंगौथ',
आं खर' थिखंदोँमोन ।
आयनाव आं सानसे सोँबावदोँ-
आयै आंलाय सोर जाखो?
आयआ बिखुं बिलिर बिलिर फिनदोँ-
नोँ आंनि फिसा आफा
नोँ सासे बर' फिसा ।
आं बुंदोँमोन आयनि खोमायाव
आयै आं सिखाव दाखाथि आरो
अरन जाहारनि मोसा लख्राखौ गियो
आंखौ मानो जोनोम होखो आयै?
आयआ दुखु सहायनानै फिनदोँ-
आं बुरै जागोन फिसा
नोम्फायाबो सानसे बोराय जागोन
जोँनो नांगोन थखन फिसा
नाथाय नङा फिसा
खेँख्रा-खेँख्रि, खाब्रे-खुब्रे
गारला, औवानि लावथि ।
जोँनो नांगौ थै मोनसेनि फिसा
जायआ जोँखौ गोथै हाखरसिम
बानै बानै फबनो लांगोन ।
बिदिब्ला आयआ बुरैगोन
आरो आफाया बोरायगोन
आंबो जागोन गिदिर देरगोन
बेनि उनावथ' आंबो...
आं गिखांदोँ गोथै हाखर
आं लुबैदोँ गोजोँ हाथर्खि
जायफोरा खोमसियावनो जोङो
गाबनाय मिनिनायावबो
मिनि देरो ।
हरनि खोमसियाव हाथर्खि
रिथि-रिथाव
नायदावना आं लोगो जानो
बुंदोँमोन आं आयनि खोमायाव
गांसे बिजाब आरो
मोले लेम्प आयआ आंनो
आखायाव लाना होफैयो ।
This poem has not been translated into any other language yet.
I would like to translate this poem