द' दाननि उनाव
जारौनि दाउस्रि फिसाया देरबाय
दायो बुंसै बर' रावै आबै आबै
जारौआ गोजोनग्लायो
गावनि अननाय बिलिरनाय
अखा बांखानि गेजेरावनो
जारौआ फिसिबोदोँ गुमा हमै हमै
आदार ओँखाम दोवै दोवै
माब्लाबा गावनि खाजा मेथायखौ
अननायजोँ खावसे खावसे रानना जायो ।
दा देरबाय गां सुबाय आरो
बर' रावै आबै आबै बुंबाय
जारौआ गावजोँ जेब्लाबाबो लाफायो
उन्दुनाय जिरायनाय सेरावनो थायो
मुंखौ दोननाय जायाखै
थेवबो 'आबै'
जारौआ सिमां बिनो सोलोँथाइ होनो
जेरै सान्नाय एरै हाबा
दाउस्रि फिसायाबो रोँबाय रमान्टिक रावै
'आं नोँखौ मोजां मोनो'
'आं नोँखौ गोसो थोयो'
जंखायनोबो रोँबाय सोरखौबा
मुसुरदाव मुसुरदाव ।
जानाय-लोँनाय,
मावनाय-दांनाय
सोफै सोफै सेरावनो थायो
माब्लाबा अख्रायै थोरसिनि
ओँखाम खनजायो
थेवबो हेँथा गैया जारौहा
अननाय मोजां मोन्नायजोँ जानो होयो ।
दाउस्रिनि बिजिरगिरि जारौआ
नायै सानै दाउस्रि आथिँ
आबै बुगालिनि आखायजोँ एरबाय
दाउस्रि आथिँनि आगर दखना
आरो समायना जोमग्रा
जारौआ उसिफावनाय गोरबो
देलायस्रि दाउस्रि देलाय ।
नै बोसोरनि उनाव जारौआ
कलेजनि लांगोना गाबाय
दाउस्रिया न'आव बिदाय लाबाय
हस्टेल न'आव दाननै जाबाय
गोसो खाङो जेब्लाबो
आबै आबै
बेबा बोरै दं?
देलाइस्रि दाउस्रिया गोजोनै (?)
सानसे जारौआ न'आव स'फैबाय
आबै आबै गाबज्रिब्लाबो
गैया सेङा जाबाय
जारौआ दुखु खालामो
हरफा उन्दुलाङा
सोर अन्थाइ बिखानि असिद-
जारौआ सानो बोरै
गैयै बाथ्रा ।
This poem has not been translated into any other language yet.
I would like to translate this poem