गोसा दुंनाय साननि सोरांआव
गामिनि मिथिँगाया गोरान जाबाय
हरै सहरनि मिथिँगायाथ'-
बोदोरि गोसोखौ बुरखायनो
ओंखार ग्लांबाय आं गावखौ साजायना
बेलासिनि बारा गुदुं हाव
जोँमा सानाबो बिदायनि खावसेल' मोखां
साखाथि फैलाव रुगुंनि अख्रांआव
जारोम जारोम जोमैनि बासा ।
सोखो मोखो देलायै नायग्लांदोँ आं
गुन्द्रा जानाय मायनि नाराफोरा;
मेगन फिदिङो अरनजोँ हरै-
आद्रा खोमसि आद्रा जोँमानि
मेगनाव गोग्लैदोँ आंनि
लान्थि लुन्थि दालाइ बिलाइ गैयै
लंथं बिफांफ्रा गोफार मानोबा
गावखौनो गाव अख्रां थुफ्लंनो मिजिँजोँ ।
आंनि गोरबोआ अलखदआव
सिरि सिरि हास्थायदोँ आंबो
थाजिम गोरान मिथिँगायाव अखा ।
आब्रा गोरबो गोसोजोँनो मानिया
माबा गोहोजोँ जाया जाया
बुरखाय हाया आर'ज गाबो आं ।
This poem has not been translated into any other language yet.
I would like to translate this poem