बै सिनायथिजोँ Poem by Ronjoy Brahma

आरोबावथ' गैलिया गोजान
फैबाय दिनै जथुम्मायाव
दिनैनि नारसेब जानाय
मुलुगनि सिनायथियाव ।
थौदो बिग्रायारि बर'फोर
हानजा सुरदो ग्रिद ग्रिद
हानजा हानजा
बिमानि गाबनाय देँखोजोँ
गोरबोनि दानख' जानाय सिनायथिखौ हुखुमोरनो ।
आय' होख्रावदोँ दिनै आंबो
हार्सिङै
बै सिनायथिजोँ-
बर' हारि खौसे जा,
बर' हारि
बर'सा देरहासाद,
हाद्रि गोनां लामायाव जोफुं जोफुं
होख्रावदोँ-
जोँनो आलादा रायजो
'बर'लेण्ड' नांगौ ।
आय' अन्थाइ जानाय बिखाया गाबखांदोँ,
गुलि जाना- सौखावदोँ ।
मिथिया आरोबाव थाद'गोन
सोरनि बान्दोआ दबथायगोन,
सौखावदोँ थुब्ला थुब्ला
अन्थाइ जानाय ।
थरथिँ थरथिँ मोदै बर'सानि गाबनाय
आरो आंनि बोहैदोँ-
हाजोनिफ्राय हायेनाव,
बुरलुंबुथुर दैमासिम-