जौमोना लायमोननि माबा बोथोर?
लायमोना मानि गोजोमनाय
माबा हाबिला
माबा हास्थायनाय
नुदोँ आंनि थायनै मेगना
जरा जरा गोसो गोरोबलायनाय
बेयो लाइमोन सेँग्रा सिख्लान ।
अननाय आरो मोजां मोननाय
बेलाय मा?
बेयो गोरबोआव आंनि
जेब्लायबो थांलाय फैलाय
नाथाय बेनि फिन्नाय
आं रोङा
सोँथि दिहुननो गोहोआ
आंहा गैया
अब्ला आं बबा
आं जाम्बा
नाथाय आं फरायसा ।
लाइजाम लिरनो आं रोँगौ
उसु खुथु नांगौ अननाय
नाथाय नङा आयनि
नांगौ सोरबा अनजालिनि ।
सानसे फसायबाय सोरखौबा,
सिरि सिरि हास्थायना फिन
लिरबाय गांसे लाइजाम
मुंखौ रोखायै मिथिया,
नेना फिन हाप्तासे बारलांबाय
मोनबाय अब्ला फिन ।
उसु खुथु आंनि गोरबोआ
सानबाय आं
अननाया जाबाय
लाइजामनि फिन,
अननाय होयो अननाय मोनो
सोँनाय फिननाय
आरो
सोँनाय फिननाय
लाजियो आं मोखाङाव
नाथाय आद्रा गैलिया
लाइजामाव गोरोबलायनाय
जिउ मोनसे ।
जायाखिसै सानैजोँ सेराव
सावरायनाय
जायाखै देहानि गोरोबलायनाय
अननायखौल' आं मोनबाय
होबाय बिनोबो अननाय
लाइजामनि राव लाइजामावनो
सावगारियाबो गोरबोआवनो
जायाखै नोँनि गुसुथियाव
मोनाखै नोँबो आंनि
खावलाइयाव
बेनोमोन आंनि रोखा
दिनैनि
जाय सोँगोन आंनि गिबि
लाभ आरो
रमान्सनि फावथिना ।
This poem has not been translated into any other language yet.
I would like to translate this poem