नेवसि जामारबायब्ला नोँजोँ आं
दुखु मोनबाय गोसोआ,
मुगै जाबायब्ला सना नोँजोँ आं
गावलांथोँसै थेर-बेथेर गोरबो आंनि ।
थानाय नंला आरोबाव जायगा गोथार
सोरखौबा अनसायनायनि;
सुखु-दुखुआ मानसिनि लोगोरिब्ला
नाजासिगोन आं बोजबनो ।
गोरबोनि मन्दिरआव मासि गैयैआव
नोँ थाथेर हायाखिसै ।।
सानदोँमोन नोँ गोजोन जिरायनो;
नोँ माब्लाबा अननाय बिनायाव
आं गोसोल' होनायाव गोरोन्थि ।
सानदोँमोन नोँ लुबैनाय बायदि जागोन,
नाथाय-
थास' बिलाइनि दैआव आं
नाव जावनो सान्नायाव
फोथायखेबस' दिङारि ।
दुब्रि गांसोनि दैजोँ मोखां सुनो साननायाव
आं सासे जावलिया ।
दायो आं फागोला,
अननाय-मोजां मोननायाव हेँथा होग्रा
आं गोदान सुबुं;
गोसो गोरबो बायग्लि लांनायाव
आं सासे फागोला ।
This poem has not been translated into any other language yet.
I would like to translate this poem