गैयाब्लाबो रोखा जारिमिन
गालांदोँ गोबां नेरसोन
बायखोन्दा खाम्फा
बर' फिसानि मुङाव;
हमदां हायो आय' जोँ
नेरसोन बे बर' हारिनि ।
गोमा लांदोँब्लाबो बर' बिमानि
घोन-घौलत सना-रुफा,
थाजोबदोँ खना खना हाजो
सारि सारि ।
मावफ्लांदोँ बर' हारिया
गेना गोरोन्थि
थेवब्लाबो...
फोजावलांफिनदोँ दैमा बुरलुंबुथुर ।
हारि थामोन्थानि रिँखांथि
गौदै राव
गालांदोँ बर' बिमानिनो फिसा-
जै बर' बिमानि जै
जै बर' हारिनि जै ।
This poem has not been translated into any other language yet.
I would like to translate this poem