लाइमोन सिख्ला Poem by Ronjoy Brahma

बैसोआ बिबार बायदि
गेवलांहां थमेन थफिनाय,
महरा समायना सोमोनां
जारौ रौ नायनो हायना ।
बिखा गोजौ, खावलाइ फावदुद्
गोबाना लाथाव गोरबोआव,
थब्ल' आथिँ, खानाय बालेँ
गोबां लुबैनायजोँ गोसो मोदोम हास्थायो ।
फोनांबाय नोँ आंखौ हायना-
बे सावगारिया मेगनखौ अहाया
गोरबोआव मेवखाङो लुबैनाय
बे अन्नाया आंनि गोख्रोँ फेँफोना ।
नोँखौ नुयोब्ला गुबुन आरो गैया
मेसेबा मेगन, मोन्नो हाबिला;
गैया गोरबोआ थाबथानाय
थब्ल'यो गोथौ आरो गोथौ
नोँखौ हास्थायना बाब्राबो हाबिलास ।
गोरबोखौ गोरोबहोना नोँ सौग्रावबाय
गासैबो जिउआव नोँ फोजाबाय-
जेब्लाबो सानो नोँनि अराय ।
गोजाम गोदान सोमोनां
गोदाननि गेजेराव नोँ गोदान
सान्नानै गोदोयो गोरबोआ नोँनि बिखायाव
लाइमोन सिख्ला नोँनि गासैबो ।