आं सिमांनि फैसालियाव Poem by Ronjoy Brahma

सिमांनि फैसालियाव मेँहाबना दं आं
मोकथांनि रुगुंआ दा अखाफोर खावसे ।
दाबो दं आं जसोनानै...
हनै नाथाय सोरबा सोरबा
फोथारनि बिखायाव ब्याम सोलिदोँसै
सोरनिबा गलानि दरा ग्रे गेब्लांदोँसै
सोरबा सोरबा आरो
गाड़ि स्कुटि सादोँसै ।
गैया नाथाय दाबो लोगोआ
गोदो गोदो हंख्रद हंख्रद दं
आं नाथाय सियायबाय;
उन्दुफिन्नो?
ना ना आरो मेगन हुफ्लेनो?
समा गैया नाथाय हनै
खावसे अखाफोरा आनज्रायबाय
मोस्लेद मोस्लेद हार्सिँङै
जोँमा साना फैगौसै...
नायहर...
गोदौग्लाब होगौ सोलेरखौ ।