बेँबुरा Poem by Ronjoy Brahma

1
दाखोन थालांनाय हांमानि फालियाव
दं दाबो थैसाम जानानै,
बिखा गावनाय सोदोबा
दं दाबो गोरबोआव जोबथे जानानै ।
मोदैनि लैथोआ दिनै सेम रानलांबाय
दं नाथाय रेस थांनाय लामाया
गोथौ आंनि मेगननि आलियाव ।
2
जिनाहारि समनि बै
बेँबुरा बर' गथ'आ आंनो,
सोरबाया बुङो दिनैबो-
सिबाय आलाय सिलाय!
आयै फिसा!
मा थांखि लाना जोनोम थफ्ला
बोनथुमना लाखो गोरबोआव ।
3
उरख्रांनायनि हाबिला आंहा थोजासे
लामा मोनाखै आं खोमसियाव,
सांग्रेमा बिरनाय हराव
मोद्दा मोद्दि खर' आंग्रिबाय
जोँनाय अलंबारनि लामा सोरांआ
आंखौ दिनै साजायबाय ।
4
फेरलेब देहानि बेंबुरा समाज
बेनि गेजेराव आंबो सासे,
सोरनिबा खैसार लामा मोनफ्रोमबो,
लैथो बिलो ब्रे ब्रे जेरैबो सु,
गाबनानै थानांबाय सोरां नायहरै ।