नोंनो थेंफाख्रि नोंनो बिरगोस्री Poem by Ronjoy Brahma

इनाय आरो उदखारखौ रावबो सहायनो हाया
नोंबो सहायनो हायाखैमोन
जोहोलावजोनि गोहोखौ दिन्थिनो
नों गावनि सोलो-बोलोखौ दिन्थिदोंमोन

नों दिन्थिलांबाय जोहोलावजो
गादबनाय सुसिजानायनिफ्राइ उदां जानो
गावनि मोन्थाइनि गेजेराव गसंनो

नै आब' बिरगोस्री
जों नोंखौ गोसोखाङो गोरबोआव लानानै
हारिखौ अलखदनिफ्राइ रैखा खालामनो
नों दिन्थिलांबाय आयजोनि गोहो-बोलो अनसुलि बिखा

नोंनि आखायनि थुंग्रि
गोहो गोनां गोरा आखाय
गोख्रों गराइ आरो बर' आयजोनि सिनायथि
नोंनि मुस्रिया साया-माया जोंनि लामायाव नुजाफैयो

हारिखौ गादबजानाय आरो थगायजानायनिफ्राइ
उदांस्रि लाबोनो आरो उदां जानो
मोन्थाइखौ गावनि आवथायाव लाबोनो

आब' बिरगोस्री नों फोरोंलांबाय उदांस्रि सोरजिनो