औ नंगौ, नोँ आंनि लोगोखा Poem by Ronjoy Brahma

जेब्ला आं रंजानो जागायो
समा अब्ला बरायो फैसालिखौ,
सोरबा आंखौ फोरोङो गाबनो
बेखौनो आं सायखयो गोजोनै ।
मोजां मोन्नाया रंजानायनि सुंद' सम
बियो दान्दिसेनो उसियो गोदौना,
आरो जिउआव दाखोन थायो अरायनि ।
दुखुआवनो आं देरहायो
मानोना आं गाबनो रोँबाय,
आंनि इयुना बेजोँनो थांगोन सना
मोदैनि गोगो बिलोजोँ सानस्रिना ।
सानसे मेगनाव मोफ्लाम फैयो
दसेल',
जागायना आरो जोबलाङो ।
आंनि जागायनायाव सोँनाय-
आंखौनो
मा,
मानो,
माबोरै
आरो बहा?
जुदि माब्लाबा मेगनाव नुयो
बेयो गासैबो नंखाय,
आं थांगासिनो मोदैजोँनो-
आलो आलो आलो गोजावना ।
फुंनि सान्दुंआ फोरान्नो हमो मोदैखौ
मानोना आं रंजायो,
नाथाय दान्दिसेल' समा
खावलायाव मिनिस्लु थाथ'यो ।
नै बेखौनो बुङो आं
आं मोजां मोनो बेखौ,
दा आनज्रायलां सना नोँ
मेगननि दरखंनिफ्राय,
गुबुन जानायनि मोजां नङा
सानैजोँ जुदा जुदा ।
नोँ आंखौ फोजोन
नोँ आंनिनो जा,
आं बुजिबाय नोँखौ
आं लिँनाय नंलिया
आंनि अरायबोखा नोँ
औ नंगौ, नोँ आंनि लोगोखा ।