सोलोँदो मोजां Poem by Ronjoy Brahma

आयआ बुंदोँ -
हाग्रा बंग्रा थांनो नाङा
गाज्रि लोगोजोँ लोगो लानो नाङा,
आफाया बुंदोँ -
हाद्रि बालायाव दागेले
बुजागोन मिथिखा नङाबा हले,
आदाया बुंदोँ -
फरायसालि गबा न'आव फै
आयथिँ आखाय सुना फराय फै,
आब'आ बुंदोँ -
गेलेखांबा थाबैनो फैगोन
होमब्लासो आं थुखैगोन,
मिथिखा गथ' मिथिखा
गद गद गोसोआव लाखा ।
हाग्रा बंग्रा बेरायबा
मोसा लख्रा बारसिन जाबा
गनाय नङा गथ'
हाग्रा बंग्रा बेरायबा ।
हाद्रि बालायाव गेले गेले
मैला मैथा जागोन हले
मिथिखा गथ'
लंथं थानांगोन हले ।
जानला मोनला बेरायबोला
समा ओरैनो थांबोला
जाम्बा जागोन उनावसो
मिथिखा दानो फरायाबोला ।
गेले गेले मोनाद्रायबा
ओरैनो समा थांगारबा
मोननाय नङा दुगैनो समा
मिथिखा अब्ला मा जागोन होमबा ।