थांनानै थागोन आं Poem by Ronjoy Brahma

आंदि मानसि जानानै
मानसिबादि थांनो लुबैयो
बेखौ बुंनो आं हागौ ।
मानोना
मानसिबादि मानसि
नाजानाय थांना थानायनि
दाय गैया बेयाव फेरलेबसे,
बिनिखायनो थांना थायो आं मानसि ।
जोनोम मोनदोँ जेराव
जोनोम जादोँ मानसि महराव
समायना समायना जेनिबो
मिथिँगानि बुहुम बिखायाव ।
आखाय फिदिँनो
आथिँ बोथ्रोदनो
जग्रबसे हानिल' जायगा आंनो
खब'से उदै सुफुंनो
सान हर दानसे हगारनो,
मानसिबादि मानसि जानानै
गावनि खायलाबसे गुमुर
जिउनि मोनसे नेर्सोन गालांनो
दं आंहाबो दाबसेयाव मोनथाइ ।
दुखु दाहा रुजुन्नानै
गाबनाय आरो मिनिनानै
फंसे बाथ्राखौनो बुंगोन आं
मानसिबादि मानसि जानानै
थांनानै थागोन आं ।